Maandishi Kuntu: 2016-09-18

Tuesday 20 September 2016

MLIPUKO MFULULIZO MAREKANI HUENDA IKAWA NA SURA YA UGAIDI

Wakati wachunguzi wa shirika la kijasusi la Marekani FBI, mjini New York wakifuatilia ushahidi ili kubaini chanzo cha bomu lililolipuka katika eneo la Chelsea huko Manhattan siku ya Jumamosi usiku na kifaa cha pili ambacho hakikulipuka kilichopatikana eneo hilo, shirika hilo la FBI pia limesema linachunguza bomu lingine lililopuka katika jimbo la New Jersey saa chache kabla yakutaka kuongea na waandishi wa habari.

Agenti maalum wa FBI, Richard Thornton.

Mlipuko huo ambao ulitokea saa chache kabla ya "agenti" maalum wa FBI kuhusu tukio hilo, Richard Thornton kuzungumza na waandishi wa habari, alidai “kwa sasa tunafanya uchunguzi wa awali kama ni gaidi, nasema uchunguzi wa awali kwasababu kuna vitu vingi hatufahamu, hatufahamu kama shambulio hili linahusisha kikundi gani cha ugaidi, hivyo ndivyo uchunguzi ulipofikia”

Katika tukio hilo lilotokea eneo la Chelsea watu 29 wamejeruhiwa na tayari watu hao wameruhusiwa kuondoka hospitalini baada ya matiba huku maofisa hao wa FBI wakisema kuwa wanachunguza madai ya kundi la Islamic State yakuwa mtu mmoja aliekuwa amevalia mavazi ya kiaskari mwenye asili ya Somalia na kuendesha shambulizi kwa kutumia kisu na kuwajeruhi watu nane ndani ya duka la Crossroads Center mall, jimbo la Minnesota nchini marekani siku ya hiyo hiyo ya Jumamosi ni mfuasi wao.

TOURE KUSTAAFU TIMU YA TAIFA KWA MALUMBANO YA WAKALA WAKE NA PEP

Yaya Toure

Itakuwa sio stori nzuri kwa kiungo wa Man city na timu ya taifa ya Cote d'Ivore, mkongwe Yaya Toure kustaafu kuitumikia timu yake ya taifa na zawadi ya kukaa "benchi" ya maneno isiyo ya "kifundi" toka kwa meneja wake Pep Gurdiola.
Toure mwenye miaka 33 ametoa tamko leo nakusema "Ni maamuzi magumu kuyachukua ila waache wachezaji wengine wapate nafasi, nawashakuru kwa sapoti mliyotoa mashabiki wangu".
Huku anatangaza kustaafu balaa ni kuwa kocha wake wa Man city, Pep Guardiola kaeleza kuwa hatocheza mechi yoyote mpaka aombe msamaha kutokana na kauli za wakala wake.
Wakala wa Toure, Dimitri Seluk zaidi ya wiki moja iliyopita alidai "Kama atachukua taji la Ligi ya Mabingwa msimu huu, basi nitasafiri mpaka England na nitasema mbele ya luninga kwamba Pep Guardiola ni meneja bora kabisa duniani,” Seluk alinukuliwa na gazeti la Sunday Mirror.
Wakala huyo alizidi kung'aka kuwa ni wakati sahihi kwa mchezaji huyo kung’oa nanga kwenye kikosi hicho kwenye dirisha la usajili mwezi wa kwanza, pia ni ukandamizaji uliokikuka misingi kwa mteja wake kuwekwa nje hasa akiwa ni mchezaji aliyeibeba vilivyo Man City.
Sasa joto ya jiwe ipo kwa wakala wa Toure kujibu nakusema "si anataka (Pep) vita, atavipata...........anatakiwa amwombe msamaha Joe Hart, hawezi kumtoa mchezaji mwenye heahima yake England".

wakala wa Toure, Seluk(kushoto) na Yaya Toure

Dimitri ameyajibu hayomuda usiopungua masaa mawili mpaka matatu nakukazia zaidi yeye(Pep) ndio aombe msamaha kwa Toure kumuweka kwa benchi.

Toure aliyekuwemo kwenye kikosi cha "tembo" kilichochukua kombe la mataifa Afrika mwaka 2015, amelichezea taifa hilo mechi 102 na kufunga magoli 19.
Toure anastaafu baada ya kutumika kwa miaka 14.

TRUMP: KUMPA MATIBABU YA KISIASA GAIDI NI UDHAIFU KWA SERIKALI

Mgombea wa Democratic, Donald Trump

Akizungumza mjini Fort Myers katika jimbo la Florida nchini Marekani Bwana Donald Trump amesema kuwa hatua ya serikali ya nchi hiyo inayoongozwa na chama cha Democratic kumpatia matibabu ya kisasa mshukiwa wa ugaidi ni ishara ya dhahiri kuwa kuna udhaifu mkubwa ndani ya idara ya usalama wa taifa ya nchi hiyo, Bwana Trump alisema ‘’Sasa tumemfanyia ukarimu wa ajabu sana, ametibiwa na miongoni mwa madaktari bora duniani, amepelekwa kwenye hospitali ya kisasa na amepewa chumba cha kisasa hospitalini hapo na huenda atapokea huduma zote akiwa humo, ukizingatia jinsi nchi hii ilivyo’’. Bwana Ahmad Khan Rahami wenye umri wa miaka 28 ambaye ni mzaliwa wa Afghanistan anatuhumiwa kufanya mashambulizi ya kigaidi katika miji ya New York na New Jersey nchini Marekani jumamosi iliyopita ambapo tayari amefunguliwa mashtaka matano ya kujaribu kutekeleza mauaji.

Mshukiwa wa mlipuko miwili mfufulizo New York na New Jersey, Ahmad Rahmani Khan

Mgombea urais wa Republican nchini Marekani Bwana Donald Trump ameelezea masikitiko yake kuhusu namna serikali ya nchi hiyo ilivyomkarimu mshukiwa wa vitendo vya kigaidi katika jiji la New York jumamosi iliyopita Bwana Ahmad Khan Rahami ambapo maofisa wa serikali wanadaiwa kumpatia matibabu mshukiwa huyo na kisha kumpatia wakili atakayemtetea wakati atakapopandishwa kizimbani kwa tuhuma za ugaidi.

HALI YA KISIASA NCHINI KONGO IMO HATARINI

Watu takribani 50 wamefariki dunia nchini Jamhuri ya Kidemokrasia ya Congo kufuatia makabiliano kati ya waandamanaji na polisi katika miji mbalimbali nchini humo yaliyoanza jumatatu wiki hii baada ya tume ya   taifa ya uchaguzi nchini humo kutangaza kuahirisha uchaguzi wa rais hadi mwaka 2017 kinyume na katiba   ya nchi hiyo.
Waziri   wa mambo ya ndani wa Jamhuri ya Kidemokrasia ya Congo Bwana Evariste Boshab amesema miongoni mwa watu waliofariki katika maandamano hayo wamo maofisa kadhaa wa   polisi ambao Waziri huyo wa serikali amesema kuwa baadhi    ya maofisa hao wa polisi waliuawa kwa kuchomwa moto wangali hai   na waandamanaji wanaomshinikiza rais wa nchi hiyo Bwana Joseph Kabila kuondoka madarakani.
Aidha kwa upande wake mmoja kati ya viongozi wa upinzani nchini humo Bwana   Rene Rughunda alidai ‘’Watu wa nchi hii wapo tayari kupambana na kurejesha thamani ya demokrasia ndani ya nchi hii, ikiwa Bwana Kabila hataachia madaraka sisi kama watu wa nchi hii tutamlazimisha kuachia madaraka’’.
Miili ya watu waliofariki katika maandamano hayo imeonekana ikizagaa barabarani katika mji mkuu wa nchi hiyo Kinshasa ambapo waandamanaji wamechoma moto magari ya polisi na kuweka vizuizi barabarani. Upinzani umepanga kuendelea na maandano zaidi wiki hii ili kuishinikiza tume ya uchaguzi ya nchi hiyo kuratibu tena uchaguzi wa rais nchini humo mwishoni mwa mwaka huu wa 2016 kwa mujibu wa katiba ya nchi hiyo.

COURTOIS: NATAMANI KURUDI MADRID

Inawezekana kuwa ni stori kutovutiwa na wapenzi na mashabiki wa Chelsea baada ya golikipa wao mbelgiji Thibaut Courtois kuonyesha kuvutiwa na maisha ya Madrid hivyo kuonyesha moja kwa moja hafurahii 'life' la Stamford Bridge. Courtois alipiga “stori” na gazeti la Marca, la huko Uhispaniola nalo limevujisha nia ya “goalie” huyo kurejea La Liga mchezaji alietengeneza jina vyema Atletico Madrid kabla ya kutua Chelsea, amefunguka kuwa Madrid ni kama nyumbani hivyo ana hamu ya kuwepo mara nyingine.

Kwenye 'interview' na gazeti hilo alisema “Atletico ni klabu ya kifamilia, bado nawapenda”.

Alipohojiwa kuwa anataka kurudi Uhispaniola alidai “Ndio, kwasababu ya klabu hiyo(Atletico), na jinsi mji wa Madrid ulivyo na nchi nzima”

“Tokea mara ya kwanza nilipapenda Uhispaniola kwasababu ya watu wake, mtindo wa maisha,chakula…...bado “namaintain’ ulaji wao wa chakula, hata luninga zao nafuatilia……mimi ni nusu mhisipaniola’.

Kuhusu ratiba ya kurejea La Liga alisema “nina kandarasi ya misimu mitatu na Chelsea. Mwaka 2008, mwaka wa mwisho wa kandarasi, nitapima kubaki au kuondoka”

RASHFORD KUWA KINDA ANAYELIPWA ZAIDI DUNIANI

Man United bado wanauguza vidonda vya kufugwa 3-1“wikendi” hii na Watford ila kuna kijana mdogo wa kujivunia ukiacha mastaa waliopo kikosini aliyefunga goli la pekee la United, ni kinda Marcus Rashford.

United wanatarajiwa “kuset” rekodi ya kandarasi nono ya pauni 50,000 kwa wiki mpaka 2020 pale kandarasi yake ya sasa itakapokwisha ili kumfunga kuogopa “wanyemeleji”.

Hivyo, kijana mdogo tu mwenye miaka 18 anayetimiza miaka 19 mwezi ujao anatarajia kuvunja rekodi ya dunia kuwa mchezaji mdogo anayelipwa zaidi duniani kumfikia mreno Renato Sanchez wa Byern Munchen. Alipewa kandarasi ya mwaka ya pauni milioni moja mwezi Mei baada ya kudumbukia kwenye soka la wakubwa mwezi wa pili na mpaka sasa amekuwa mfungaji mzuri toka mechi ya Europa alipofunga mara mbili dhidi ya FC Midtjylland na alipokuwa na bosi Loius Van Gaal mpaka sasa akiwa bosi mreno Jose Mourinho, hajageuka nyuma japo anatokea benchi kwa "aapearance" gemu kadhaa.

PENZI JIPYA LA RONALDO HADHARANI

Winga wa Madrid mwenye manjonjo yake Christiano Ronaldo anahusishwa na “stori” mpya yakuwa “penzini” na mrembo Desire Cordero, ambaye ashawahi kuvikwa taji la Miss Spain siku za nyuma.

Hilo limeripotiwa na gazeti la udaku la uhispania la Corazon Czn katika toleo lao jipya.

Wawili hao wameripotiwa kuwa pamoja sasa yapata mwezi mmoja na mrembo huyo kuhusishwa tayari kashaingia mjini Madrid kufanya “makazi” yake.

Hili ndilo gazeti la "Corazon Czn" lililoripoti kwa kichwa kikisema "LA PAREJA SORPRESA DEL ANO" kwa tafsiri isiyo rasmi ikimaanisha "SUPRISE, WAPENZI WAPYA" na mstari wa chini "LLEVEN VIENDOSE UN MES"- "YAPATA MWEZI SASA"

Monday 19 September 2016

NANGAA: UCHAGUZI MKUU CONGO HADI MWAKANI

Rais wa Jamhuri ya Kidemokrasia ya Kongo, Joseph Kabila.

Pamoja na mkutano wa upatanishi ulioongozwa na aliyekuwa mwenyekiti wa umoja wa Afrika Bwana Edem Kodjo uliofanyika nchini Jamhuri ya Kidemokrasia ya Congo mwanzoni mwa mwezi Septemba mwaka huu kati ya wapinzani na serikali ya nchi hiyo inayoongozwa na Rais Joseph Kabila. Tume ya Uchaguzi ya Jamhuri ya Kidemokirasia ya Kongo imesisitiza kuwa hakuna uwezekano wa uchaguzi kufanyika nchini humo mwaka huu kama ilivyoelezwa kwenye katiba ya nchi hiyo.

Mwenyekiti wa tume ya uchaguzi ya nchi hiyo ambayo ilitarajiwa kuanza mchakato wake wa kufanyika kwa uchaguzi kuanza jumatatu ya wiki hii, Bwana Corneille Nangaa amesema suala hilo kwa sasa haliwezekani na badala yake anashauri uchaguzi ufanyike mwaka ujao.

Mwenyekiti wa tume ya uchaguzi, Corneille Nangaa.

Kufuatia tamko hilo hali si shwari ndani ya miji mikubwa ya Jamhuri ya Kidemokrasia ya Kongo ambapo makundi ya upinzani yamefanya mkaandamano makubwa katika miji ya nchi hiyo ikiwemo Kinshasa na Kivu pamoja na maeneo mengine ili kuishinikiza tume ya uchaguzi ya nchi hiyo itengue uamuzi huo na kuruhusu uchaguzi ufanyike mwaka huu kwa mujibu wa katiba

ICJ YAANZA KUISIKILIZA KESI YA MPAKA KATI YA KENYA NA SOMALIA

Mahakama ya Kimataifa ya Haki (ICJ) inayoungwa mkono na Umoja wa Mataifa imeanza kusikiliza kesi ya kugombea mpaka kati ya nchi za Kenya na Somalia mjini The Hague nchini Uholanzi, ambapo mwanasheria mkuu wa Kenya Profesa Githu Muigai amesema ataongoza jopo la mawakili na maofisa wa ngazi za juu kutoka nchini Kenya ili kuitetea nchi hiyo.

Mwanasheria Mkuu wa Kenya, Profesa Githu Muigai.

Aidha mwanasheria huyo wa Kenya amesema kuwa Kenya inataraji kuituhumu Somalia katika kesi hiyo kwa kuvunja mkataba wa mwaka 2009 ambapo amesema nchi hizo zilikubaliana kutatua mzozo huo unaohusisha sehemu za nchi hizo ndani ya Bahari ya Hindi kupitia mazungumzo. Eneo hilo linalogombaniwa lina ukubwa wa kilomita za mraba 42,000 na linasadikiwa kuwa na utajiri wa mafuta na gesi.

Katika mgogoro huo Somalia inataka mpaka wake wa baharini uendelee kwa kufuata mstari wa mpaka ulio nchi kavu unaolekea kusini mashariki mwa nchi hiyo wakati Kenya nayo ikitaka mpaka huo uwekwe kwa kufuata mstari usiopinda unaoelekea mashariki, hali hiyo imesababisha kutengeneza umbo la pembetatu kutokana na madai ya nchi hizo mbili za Afrika Mashariki. Kesi hiyo inataraji kudumu kwa wiki moja ili kutoa mwelekeo wa namna nchi hizo zitavyofikia maridhiano.

Kesi hiyo iliwasilishwa ICJ tangu Agosti, 2014.

ETI KILICHOMTOKEA CASILLAS KWA MOURINHO KIPO NJIANI KWA ROONEY?

Casillas(kushoto) na Mourinho.

Ishu ya kutoogopa na kuwa "uso wa mbuzi" kwa mastaa huyu huyu kocha Jose Mourinho inatazamiwa kwa jicho la ajabu na mashabiki wa Man U. Inaelekea kilichomkuta Iker Casillas kwa kupigwa chini japo na ukongwe na heshima yake Madrid na kocha mwenye “vituko” Jose Mourinho kinaweza kutokea kwa Wayne Rooney akiwa na kocha huyo ndani ya United.
Mashabiki wa United wanahisi Rooney anaweza kupigwa benchi na mwishowe kuuzwa kama vile Juan Mata.

Mourinho(kushoto) na Rooney.

Huo umekuwa utabiri wa mashabiki wengi kwenye mtandao wa “twitter” baada ya United kufungwa na Watford huku kiungo na nahodha huyo kutofanya “tackling” na kupiga shuti “on target” na zaidi kutohusishwa kwenye kikosi kwenye mechi ya Europa dhidi ya Feyenoord ya Uholanzi.

Gundu kwa staa huyo aliyeshindwa kuibeba United kwa mechi Man City na Watford kwa kufungwa ukiachilia ambayo hakwenda Uholanzi dhidi ya Feyenoord, uwezekano wa kupigwa chini ni rahisi kutokana na mawazo ya mashabiki hawa;